BOLK
|
BOLK( Bibel-og leiarkurs) er eit førebuande kurs for alle som skal arbeide som eittåringar i Norges KFUK-KFUM (Eittåringar i Norge, solidaritetseittåringar, VFE ? Volounteers for Europe, Ten Sing Norway) Kurset er også ope for barne-og ungdomsarbeidarar eller andre kyrkjelege tilsette i eller utanfor organisasjonen. Sentrale aktørar i kursleiinga er programsekretærane for leiartrening, senterleiar på Kurssenteret, programsekretær for solidaritetseittåringane, samt leiarane for Ten Sing Norway. Kurset er omfattande med nokså tett undervisning fordelt på 24 dagar i løpet av sommaren. Her er litt av det du kan oppleve: Programarbeid, villmarksliv, eittåringsførebuingar, kreativt miljø og nye vener, meir kunnskap om KFUK-KFUM, god mat, bibelkunnskap og truslære, leiarveiledning, sportsleikar og strandliv, gudstenester og bibeltimar m.m .Ingen ferie altså, men hardt, triveleg arbeid!
|
LiV - leiarkurs
|
LiV-leiarkurset er eit kurstilbod for LiV-leiarar/ LiV-koordinatorar som jobbar med vårt eittårige leiarkurs Leiar i Vekst (LiV). På dette kurset tek vi opp ulike tema som er sentrale i LiV-arbeidet: Ludvik-konseptet, lokalsamlingar, undervisningsopplegg, organisering, forkynning, ressursmateriell m.m. I løpet av kurshelga har vi også det årlege rådsmøte, som er LiV-arbeidet sitt årsmøte. Her vel vi nytt LiV-utval og tek opp viktige saker som utvalet skal jobbe vidare med. Kursstad er vanlegvis Sunnmøre folkehøgskule, men kvart 3. år har vi hatt tradisjon for å leggje kurset til utlandet.
|
|