Basketball i KFUK-KFUM
|
Visste du at basketball vart oppfunne av ein som jobba i YMCA? Dr. James Naismith, gymlærar i «The international YMCA training school» i Springfield, fekk i 1891 i oppgåve å finne opp eit nytt innandørsspel som ville vere interessant, enkelt å lære og lett å spele innandørs i kunstig lys. Etter litt prøving å feiling byrja spelet å ta form.
Det vart ein umiddelbar suksess og spelet var i løpet av 2 år spreidd til over 20 land i heile verda gjennom YMCA sitt nettverk. Sjølv om kanskje spelet har endra seg ein del sidan originalen so er det fortsatt den same ideologien som ligg bak.
Vi kan vel vere glad for at vi slepp å spele basket med ferskenkorge til mål slik dei gjorde i starten (derav ordet kurvball). Før dei slo hol i botnen av ferskenkorga (ja, du las riktig :-)) so hadde dei ein mann som plukka ballen ut av korga.
KFUK-KFUM he to basketklubbar i Noreg i dag, i Haugesund og på Torvastad.
 Link til KFUM-kam Haugesund Basket
|
|