Hausten 2011 startar vi nytt LIV- kurs!
|
LiV-kurs i Sogn og Fjordane 2011/2013
Leiarkurs for deg mellom 16 og 18 år
I samarbeid mellom KFUK-KFUM i Sogn og Fjordane og Sunnfjord folkehøgskule vert det no arrangert nytt LiV-kurs!
Kva er LiV?
LiV (Leiar i Vekst) er eit toårig leiar-kurs i Norges KFUK-KFUM. Kurset er for deg mellom 16 og 18 år som er eller vil verte leiarar i kristent barne- og ungdomsarbeid. LiV-kurset vil ha oppstart annakvart år. Det første året er det undervisning og samlingar. Det andre året er eit praksisår knytt til ein kyrkjelyd eller ei eining i Sogn og Fjordane KFUK-KFUM.
Mål
Målet for kurset er personleg utvikling for deg som kristen leiar. Det ynskjer å stimulere til kristen vekst og personleg utvikling. Gjennom teori og praksis skal du utvikle leiarkompetanse. Deltakarane lærer gjennom erfaring, samhandling med andre, undervisning og rettleiing.
LiV-kurs i Sogn og Fjordane
inneheld LUDVIK (sjå under), 4 fellessamlingar, 6 lokalsamlingar, utanlandstur, individuelle rettleiingssamtaler med din lokale rettleiar, praksis i kyrkjelyd eller KFUK-KFUM-eining der du bur og rettleiing frå lokale leiarar
LUDVIK
LUDVIK er LeiarUtvikling Driven i Villmark som Intensivt Kurs. LiV-kurset startar med ei LUDVIK-helg. Den vil by på fellesskap, naturopplevingar, overraskingar, og fysiske og psykiske utfordringar. Vekta vil ligge på gruppedynamikk, samarbeid og praktisk læring. LUDVIK er tøft, men alle skal kunne vere med. Du treng altså ikkje vere i knallform.
Fellessamlingane
På fellessamlingane vil alle kursdeltakarane vere samla til felles undervisning.
- 9.-11. september Førde : LUDVIK
- 11.-13. november Førde: Eg ein leiar?
- 20.-22. Januar Førde: Bibelarbeid, forkynning
- Vinterferien Utanlandstur: Etikk, internasjonale spørsmål
- 13.-15. April - Førde: Konflikthandtering, samlivstematikk, evaluering
Lokalsamlingane
Mellom fellessamlingane vert det lokale kveldssamlingar. I samarbeid med ein lokal leiar og rettleiar tek de opp nokre av tema frå forrige fellessamling med fokus på samtale og eiga utvikling.
Kontrakt
For å vere med på kurset må du teikne ein kontrakt i samarbeid med den lokale kyrkjelyden/eininga di. Kontrakten skal seie konkret kva oppgåver du skal ha, og kva som vert kravd av deg i praksistida. Praksisen skal vere 50-70 timar, og du må føre praksislogg.
Pris
Kurset kostar kr 5500,-, av dette er det ein eigendel på kr 2500,- (Vi tek atterhald om større endringar i reisekostnadane med utenlandsturen). Resten kan du søkje om støtte til hos den kyrkjelyden eller eininga du skal ha praksis i. Reiseutgifter til fellessamlingane innanfor fylket kjem i tillegg.
Kursbevis
Etter godkjent gjennomført LiV-kurs (minst 80 % deltaking) får du eit kursbevis som dokumenterer kva du har vore med på og kva emne du har vore gjennom. NB! Nokre vidaregåande skular godkjenner kurset som valfag. Undersøk med din skule!
Ynskjer du å delta?
Ta kontakt med kyrkjelyden eller eininga der du skal ha/ynskjer å ha praksis.
- Avtal oppgåver for praksisen
- Avklar kva du kan få av økonomisk støtte
- Søknadsskjema fin du under på sida her
- Syt for å få underskrifter frå kyrkjelyden / eininga du skal ha praksisen i.
- Søknadsfrist til Krinsen er 20. mai!
- Har du spørsmål? Ta kontakt med oss på krinskontoret!
Kyrkjelydane/einingane sitt ansvar
- Skrive kontrakt med deltakarane og syte for at dei gjennomfører praksisen 2. året
- Lokal rettleiing etter mal frå kursleiinga (det vert samling for lokalleiarar før kursstart)
- Økonomisk støtte til deltakaravgifta
Vi har litt tekniske problem med å oppdatere lenkene under, men oppdaterte skjema kjem! I mellomtida er det berre å ta kontakt med krinskontoret !
|
LiV 07-09
LUDVIK 2007
|
LUDVIK 2007 skal vere i Ulsteinvik torsdag 6.-søndag 9. september.
Reisatil Ulsteinvik: Buss frå Florø 15.10, frå Naustdal 16.45, frå Førde 16.45, frå Sandane 18.20 og frå Stryn 18.30
Reisa heim: Bussene er i Stryn 14.55, Sandane 15.00 og Førde 16.30. Bussen til Florø går ikkje frå Førde før 18.20 og er i Florø 19.25.
Du kan laste ned brevet vi sente ut med meir informasjon om LUDVIK 2007 på linken under.
NB! Hue på hovudet og vottar er lurt for å halde varmen!!!
|
Fjordane LIV-2007 Informasjon
Ludvik 2007
Fjordane - LIV2007- forslag til kontrakt
|