Velkomen til Elevtreff
|
Fredag 31.mai – søndag 2.juni 2013
Elevar frå kull 07/08, 09/10, 10/11 og 11/12!
Vi har den store glede å invitere de som gjekk her for 1, 2, 3 og 5 år sidan til det tradisjonelle elevtreffet vårt. For første gomg er treffet lagt til juni, og vi er spente på oppslutninga. Uansett, det skal bli kjekt å treffe dykk att, og vi håper så mange som mogleg kan kome.
Programmet vert med kullsamlingar, SUFH-mat, inne- og uteaktivitetar på laurdag, samling i kapellet, god tid til å ha det sosialt ilag med nye og gamle kjære(star) og sjølvsagt med kveldsprogram laurdag.
Vi oppmodar alle til å ta kontakt med medelevar slik at ingen vert gløymd. Program for helga finn de snart på www.sufh.no og på Facebook (Sunnmøre folkehøgskule).
NB! Påmelding til treffet skal kun skje via www.sufh.no. Dette er svært viktig for oversikta til kjøkkenet og for våre brannlister. Det er derfor ikkje mulig å melde seg på per telefon eller e-post!
Pris for heile treffet inkludert alle måltid og overnatting i sovepose/liggeunderlag på fleirmannsrom/sal, er kr. 575,-.
Viss du har lyst på meir komfort kan du i år booke rom på vandrarheimen via www.sufh.no
Prisen er framleis 575,-, men du må betale overnatting i tillegg. Prisen for overnatting vil då variere ut frå romstandard. NB! Du må melde deg på treffet uavhengig av om du bestiller rom på vandrarheimen.
Hugs å ta med sovepose m/liggeunderlag og gymklede/ innesko til volleyball og uteklede til friluftsliv!
VELKOMEN TILBAKE TIL SUFH!
Vi gler oss til å treffe dokke! Helsing SUFH
|
Påmelding Elevtreff 2013
|