Kula & Myggen Kul klubb for nærmiljøet
|
Kula & Myggen Kul klubb for nærmiljøet
Annankvar onsdag samlar ein gjeng 1.-4. klassingar seg til Kula og Myggen barneklubb i Eldshovden barnehage. Klubben, som er tilslutta Søreide menighet og KFUK-KFUM vart starta hausten 2005 og samlar ca. 20 born frå nærmiljøet.
Namnet er henta frå to maskottar for barnearbeid i KFUK-KFUM.Kl. 1730 dumpar ungane inn i barnehagen, dei aller fleste bur i kort gangavstand frå klubben. Snart sit alle i ring og syng ?Jeg blir så glad når jeg ser deg?. Dei ser ut til å meina det dei syng, for så snart dei har høyrt dagens forteljing er dei ivrige på å koma i gang med ulike aktivitetar. Formingsaktivitetar er alltid populære og om vêret tillet det, driv ei gruppe med ulike aktivitetar ute.
Klubben varer til kl. 1900 og vanlegvis vert den avslutta med at matgruppa serverer dagens rett, anten det er vaflar, fruktsalat elle anna godt.- Me var fem foreldre (par) som starta klubben fordi me ønskte å kunna tilby ein fellesskap fopr borna i nærmiljøet. Det var viktig å få til noko her me bur, då slepp me å kjøra borna i bil. Dessutan er dette eit tilbod med kristent innhald som i praksis når alle, anten dei er fate kyrkjegjengarar eller ikkje, seier Ragnhild Tungesvik som er hovudleiar for klubben.
Kula og Myggen møtest annankvar onsdag i Eldshovden Barnehage, Eldshovden 11, 5252 Søreidgrend.
Kontakt: Kapellan Sindre Skeie - sindre.skeie@bkf.no - 55 59 71 01
|
|